周星驰经典电影粤语全剧本对白 13：神龙教 （龙儿戴住金色皇冠拜见自己嘅师父） 师父：龙儿，点解？点解你潜入清宫嘅任务会失败？ 龙儿：禀教主，龙儿系畀一个叫做韦小宝嘅狗贼所害嘅。 师父：佢呢个人武功好高咩？ 龙儿：呢个人武功并非高强。 师父：佢用毒好叻？ 龙儿：亦都唔系。 师父：唔通佢好风流潇洒，你畀佢嘅俊俏所迷！系咪呢？ 龙儿：当然唔系，呢个人貌丑如猪，卑鄙如狗，系一个油嘴滑舌嘅坏蛋！ 师父：噉你都会输畀佢？ 龙儿：请教主责罚！ 师父：呢啲就系命。韦小宝可能系你命中嘅克星。以后你见到佢，就要加倍小心！ 龙儿：龙儿遵命！ 师父：师父算到自己，我今日已经油尽灯枯。所以我要将教主之位传畀你！ （飞上围墙） 师父：龙儿，你速入血池！浸过血池水，你就回复真身，接任神龙教主之位。平西王世子即将上京见满清 狗皇帝。你要贴身保护佢至好。 龙儿：系！ 师父：我哋神龙教派三代辅助平西王爷吴三桂，而家传位于你，你一定要尽心尽力助佢登上王位。龙儿， 我而家先入池，然后你再入。噉你就可以得到我毕生嘅功力！但系你要记住，我哋嘅门派武功独特，如果 你失去咗处子之身嘅，噉你嘅功力十分之八就会过咗畀得到你童贞嘅人嘞！你要切记！切记呀！ （跳入池，龙儿相继跳入） 教众：神龙教主！惟我独尊！ 龙儿：韦小宝，我一定会返嚟揾你嘅！ （丽春院） 龟公：喂！楼上楼下姑娘见客喇！ （韦小宝、多隆、……） 韦小宝：要揸篼呀要揸篼！ 多 隆：屙凸就屙凸啦！ 韦小宝：要揸篼呀要揸篼！ 多隆：要揸篼呀要揸篼！ 韦小宝：冚家铲呀！冚家铲呀！ 多 隆：冚家铲呀！冚家铲呀！ 韦小宝：要揸篼呀要揸篼！ 多 隆：冚家铲呀！冚家铲呀！ 韦小宝：冚家铲呀！冚家铲呀！ 多 隆： 呢镬你重唔冚家铲？！ 韦小宝：边个话我冚家铲呀？我大个家姐企喺度，你分明就诬捏上司，罚你十万两银！ 韦春花：哎呀，细佬，多大人冇心架！你原谅佢啦！ 多 隆：我冇心架！ 韦小宝：啊？你咁帮住佢，莫非你哋有路？ 韦春花：唔系呀，边个系啫？我哋好清白架！ （揽多隆） 多 隆：我哋好纯洁！我哋好清白架！我哋好清白架哩！好清白，真系。 韦小宝（冇眼睇） ：哎！冇眼睇你两个！屙涿尿先。 （出去屙尿，见一婢女行过，主动搭讪） 韦小宝：靓女！ 婢女：贱人！ （韦小宝畀两人失惊无神拉入间房） 阿珂：唔准出声！韦小宝呢个狗贼系咪响隔篱房？ 韦小宝：啊？！系！啊，唔系！唔系！唔系！系！系！唔系！ 阿珂：究竟系定唔系？ 韦小宝：韦小宝同你有咩唔妥呀？ 阿珂：韦小宝呢个狗贼，助纣为虐！天下人，人人得而诛之。 韦小宝：天开眼咯，我忍辱偷生咗咁多年，卒之等到今日，多谢你哋！ 阿珂：你系？ 韦小宝：我全家都系畀佢害死嘅！佢重迫我一定要我认佢做契弟！呢个狗贼，人人得而诛之！你哋快啲去 杀咗佢，我烧定炮仗！ 阿珂：咪住，带我哋去！ 韦小宝：呢层梗系啦，等我执返对名贵眼镜先。嚟呀。 （韦小宝带路） 韦小宝：两位，请！ （三人步入房，多隆同韦春花坐喺床头。 ） 韦春花：我哋清白架！ *多 隆：我哋清白架，韦爵！ 韦小宝：你个冚家铲唔好嘈！ 多 隆：冚家铲呀！冚家铲呀！冚家铲呀！冚家铲呀！……呢次我冚家铲啦！ 韦小宝：点到你唔认呀？韦小宝，我宜得食你嘅肉，煎你嘅皮，拆你嘅骨！ （韦小宝趁机退出房，两黑衣人埋去杀多隆。 ） 多隆：喂喂喂！搞咩呀？ 阿珂：韦小宝！唔好话你死得不明不白。我就系独臂神尼嘅弟子！姓李名珂！ 多隆：我系韦小宝？ （阿珂挥剑劈落，多隆闪避。 ） 多隆：救命呀！人嚟！救命呀！人嚟！救命呀！ （走到大堂） （韦小宝匿埋一二角） 韦小宝：做人嘅嘢唔使咁惊青嘅！定啲嚟呀！ 多隆：好彩我班定马咋！ 韦小宝：你梗要啦！咁多仇口！ （吴应熊同龙儿坐山观虎斗） （阿珂畀削咗对帽，长发飘落。 ） 韦小宝（除低眼镜） ：喂！女嚟?！咦喂！几好吓?！喂！不如——（搭住多隆膊头） （多隆莲子茸噉嘅面口） 多隆：卑职明白！卑职明白！ （阿珂同师妹寡不敌众，卒之就范） （上演英雄救美） 韦小宝：全部停手！ 阿珂：你重唔走？冇命架喇！ 韦小宝：放心！正话我唔知你哋真系反清义士！但到咗呢个田地，我冇办法唔表露我嘅真正身分。 （除低眼 镜）其实我就系射雕英雄嘅传人，东方不败嘅师父，西方失败！ 众人（惊慌） ：啊？西方失败？！ 多隆（出场） ：咦？你咪专门主持正义嗰个西方失败？哎，你唔好乱喐呀，你喐亲我就杀咗呢两个女仔！人 嚟，畀毒酒佢饮！ 手下：啊？毒酒？！ 韦小宝（提佢） ：喂！嗰樽咪系啰！ （手下扐起葫酒呈喺韦小宝眼前） 韦小宝：咩话？你…… 阿珂：喂！唔好饮呀！ 多隆：哈！唔好？佢一饮咗呢就会迷失本性，如果喺半个时辰内冇女人同佢上床嘅话，就会化为一滩血水 而死！饮！ 阿珂师妹：唔好呀！唔好饮呀！ 韦小宝：我唔能够连累你哋嘅。 （引颈饮之） 韦小宝：酒我饮咗嘞，放咗佢哋先！ 多隆：哈哈！好！我哋走！ （多隆同班手下撤退） 韦小宝（坐低） ：人渣！ （扮肚痛） 阿珂：你点呀？ 韦小宝：我毒发！救我！ 阿珂：点救呀？ 韦小宝：一定要有个后生嘅女人同我上床先可以解毒！唔得嘅！唔得嘅！ 阿珂师妹：如果我哋两个…… 阿珂：同西方大侠你……噉就可以救到你呀？ 韦小宝：心领嘞！我唔可以噉做，你哋扯罢啦！快啲！ 阿珂：侠士舍身相救，阿珂同阿南永感大德。你死咗之后我哋会烧啲嘢畀你架！ （起身走） 韦小宝（拉住阿珂） ：喂喂喂！哗！你由我死咁冇义气架！ 吴应雄（同龙儿落楼） ：呢啲下九流骗局呃得边个呀？小姐，你千祈唔好信佢呀！ 阿珂：吓？！你！我哋走！ （拂袖而去） 韦小宝：做架梁呀，僆仔你？人嚟！摷佢！ 多隆：摷佢！ （龙儿一下就打低晒多隆啲手下） （韦小宝同多隆支箭噉标出去，阿珂同阿南欲追去，畀龙儿阻住） 龙儿：穷寇莫追！ 吴应熊：两位小姐冇事吖嘛？在下吴应熊！家父系平西王吴三桂！ 阿珂：我叫阿珂呀。 阿南：师姐，师父话吴三桂系大汉奸。我哋同佢嘅仔来往，师父会责怪我哋嘅！ 阿珂：我有分数。 （拱手）多谢公子相救，后会有期！请！ （出门） 吴应熊：哎，两位小姐！ 龙儿：哎，唔好追嘞。你已经闯咗祸嘞！头先嗰个就系韦小宝。 吴应熊：吓？佢就系韦小宝？哈！ （韦小宝同多隆搞到哩咁唏） 多隆：哗吓！里便嗰条友武功咁高强嘅？ 韦小宝：鳌拜够高强喇，一样畀我造瓜！返去班马！ （两卒骑马赶到） 一卒：卑职参见两位大人！ 韦小宝：咩事呀？ 一卒：皇上有旨，急召两位大人入宫。 （宫内） 韦小宝：皇上重未到嘅？ 双儿：相公，你咁急叫我哋嚟做咩呀？ 韦小宝：今日我喺街畀人掐！谂住阵间见完皇上同你两个出去覆啅！ 双儿：边个咁大胆掐你呀？ 韦小宝：哼！掐得到我嘅梗有返咁上下厉害啦！佢拳头大过砂煲！双眼有若铜铃！条脷牛脷咁长！高我成 两个头！ （见到龙儿喺面前经过）喂！僆仔，咪行住！ （指龙儿）啊，个样就同佢差唔多，你两个行埋啲睇 清楚！咦？乜越睇越似样，直情饼印一样添哩。 龙儿：乜我条脷有牛脷咁长咩？ 韦小宝（打后褪） ：哎呀！真系你个乸型？够胆踹入嚟我地头？喐佢！ （双儿唔够龙儿打） 韦小宝：你两个顶住先！我去班马！ 画外音：皇上驾到！ 双儿、韦小宝：叩见皇上！ 康熙：平身！ （韦小宝走去康熙身边） 康熙：韦卿家，咩事呀？ 韦小宝：皇上， （指龙儿）戴黑帽嗰条乸型擅闯禁宫，重企图“zong1”贵妃冲凉。我想话阻止都重畀佢殴打！ 康熙：真有此事？ 韦小宝：系哩。 吴应熊：韦大人，身受何职呀？ 韦小宝：四二六！啊，唔系。吴多阁大学士兼鹿鼎公！呢位老世有咩指教？ 吴应熊：你睇清楚我系边个！ （韦小宝耳语） 康熙： 你话佢就系嗰个乸型嘅同党？韦卿家， 你唔可以乱讲嘢！ 呢位系平西王吴三桂嘅大公子——吴应熊。 今次入宫系同朕商议国家大事。 韦小宝（同吴应熊扼手） ：小王爷真系气宇轩昂，实在闻名不如见面！ 吴应熊：呢位龙兄系小皇旗下第一猛将，系我带佢入宫嘅。 韦小宝：猛将兄！猛将兄气宇轩昂，实在闻名不如见面！ 龙儿：头先你话我乜嘢话？ 韦小宝：我话阁下武艺高强，我对你嘅钦佩有如滔滔江水连绵不绝！ 康熙（暂乱歌柄） ：小宝，你无谓多讲，传令设宴！ 多隆：得唔得呀？ 韦小宝：得！ 韦小宝（向龙儿敬酒） ：猛将兄，细佬敬你一杯！刚才些少误会，一嘢抹咗佢哩？！请！ （龙儿举杯） 韦小宝：小王爷，你有猛将兄呢啲噉嘅高手助阵，可谓战无不胜，攻无不克，就算打返嚟京师都赢硬呀！ 吴应熊：你讲咩呀？想诬捏小皇作反呀？ 韦小宝：哈哈哈！今日真系，好高兴呀今日真系！皇上，不如搞少少嘢嚟助吓兴哩？ 康熙：揾啲嘢助兴都好嘅。你想搞咩？ 韦小宝：猛将兄咁猛！我愿意出一百两，赌猛将兄喺十招之内打低我几个不成材嘅手下！ 龙儿：噉又未必。 韦小宝：未必咩？噉我买多一百万两赌你打唔赢呀！ 吴应熊（起身） ：好，就赌一百万两！ 韦小宝：多谢！ 龙儿（起身） ：世子！ 吴应熊：你千祈唔好丢我架呀！ 韦小宝手下：参加皇上！ 康熙：平身！ 韦小宝手下：谢皇上！ 康熙：龙卿家，你可以开始！ 韦小宝：一二三四五六七！重有一招！ 吴应熊：龙儿，唔好丢平西王府架！ （龙儿使出第十招） 韦小宝：第十……！ （啲手下尽数倒地） 吴应熊：死呀哩？多谢韦爵爷一百万两！ （韦小宝目定口呆） 韦小宝：赌债肉偿，得唔得呀？ 吴应熊：都好！ 龙儿：微臣出手过重，请皇上恕罪。 康熙：龙卿家，拳脚冇眼，毋须自责。 龙儿：谢皇上！ 康熙：趁今日大家咁齐全，朕有件喜事要宣布。朕经已决定将建宁公主许配畀吴卿家，招佢为驸马！以后 大家就系一家人嘞！ 吴应熊：谢皇上！ 韦小宝（心语） ：今日最开心都系呢个消息嘞。 康熙：韦卿家，朕就派你为钦差大臣，护送公主到云南。 韦小宝：啊？！谢主上！ 康熙：你知道朕点解要赐婚吗？ 韦小宝：皇上一定有原因嘅，小宝唔敢妄自猜测！ 康熙：自从鳌拜正法之后，朕经已得到全国臣民效忠。只有一啲反贼，例如天地会嘅陈近南同埋明朝公主 独臂神尼，一直同朕作对。 韦小宝：不过呢啲二打六应该玩唔出咩花样嘅。 康熙：朕重有一个心腹大患，一路令朕寝食不安！就系平西王吴三桂！ 韦小宝：噉皇上重同佢做埋亲家？！ 康熙：朕一直有卧底密报，话佢招兵买马，勾结神龙。假太后嘅事就系佢派嚟嘅！ 韦小宝：分明系想作反！ 康熙：朕安排你做钦差大臣，你明朕嘅意思啦？ 韦小宝：想借啲意做瓜佢？ 康熙：当然唔系。一系唔杀，一杀要斩草除根！朕希望你依家用怀柔政策！安抚吴三桂！拖延佢作反嘅日 期。等喺适当嘅时间，朕会调动兵马，将佢哋一网打尽！ 韦小宝：微臣明白！ 康熙：朕唯一担心嘅就系建宁公主呢个刁蛮女唔肯嫁。你去劝吓佢呀。 韦小宝：遵旨！ （建宁寝宫） 韦小宝（下跪） ：韦小宝叩见公主！ 建宁：平身！ 韦小宝：谢你嘅公主！ 建宁：福儿！禄儿！冇你哋嘅事嘞！ 福儿、禄儿：系！ （离去） （建宁扭住韦小宝只耳） 韦小宝：哎呀！哎呀！扭死我咯！扭死我咯！ 建宁：你个死嘢呀！死得你咁易呀？！你唔使嚟揾我架啦？ 韦小宝：咪嚟咗啦。 建宁：算你嘞！ 韦小宝：啊，恭喜公主！贺喜公主！有个天大嘅喜讯！ 建宁：恭喜韦爵爷，贺喜韦爵爷，我都有个天大嘅喜讯要话过你知！ 韦小宝：又有？！ 建宁：你讲先！ 韦小宝：皇上已经赐咗婚喇！ 建宁：系？！ 韦小宝：会将公主你许配畀……平西王吴三桂次子吴应熊。重派咗微臣做钦差大臣陪公主出嫁。 建宁：唔得架小宝！ 韦小宝：何解呀？ 建宁：因为我有咗你嘅骨肉啰！ 韦小宝：吓得我腾腾震呀！ 韦小宝：真系吓到我入心……！ 建宁：噉而家点先得架？！ 韦小宝：唉！今次大罪嘞！杀头有之嘅！ 建宁：一系你同皇兄讲，将我改为许配畀你。至多我初一十五都唔打你吖。 韦小宝：咁着数？！ 建宁：系呀！ 韦小宝：唉！但系皇上金口已开！边有咁容易收得返呢？ 建宁：我唔理呀！如果唔系，话畀皇兄听你强奸我！ 韦小宝：哗！你掉返转头嚟讲都有架？！ 建宁：一系噉吖，我照样嫁畀个吴应熊，重话个仔系佢嘅。但系你晚晚都要嚟陪我！ 韦小宝：啊？噉都得？！我哋咪即系变咗奸夫淫妇！要浸猪笼架?！ 建宁：噉你想浸猪笼定斩头吖？ （韦小宝一筹莫展） （大队人马护送建宁上路） （建宁唉声叹气） 某兵：禀皇上，已到十里亭！ 康熙：传令落去，全军稍息！ （同吴应熊讲）驸马，朕同你喺度休息。 吴应熊：系！皇上。 （韦小宝周身唔自在） 多隆（见韦小宝难以落马，走埋去帮手） ：哎！哎！哎！韦大人，我嚟，我嚟。哗！韦大人，你今日着起呢 件盔甲真系有型呀。卑职对你嘅景仰有如滔滔江水…… 韦小宝：滔你老母！热到仆街，重要戴顶死人帽，头顶中箭噉款。小喇叭！ （十里亭内） 康熙：请！ 吴应熊：系！ 康熙：祝你一路顺风！ 吴应熊：谢皇上！ 康熙：朕敬你一杯！ 吴应熊：饮！ 建宁（嗌） ：小宝！ 建宁：好闷呀！ 韦小宝：咩呀？ 建宁：你上嚟扮龟呀。 *韦小宝：而家送你去嫁！扮龟？！你真系讲笑啫呢啲！ 建宁：你重周围行？！我都系为你着想咋！成支避雷针噉，一阵间行雷呀实劈死你！ 韦小宝：若果真系行雷呀，我系咪避雷针噉都系第一个劈我架喇！ 建宁：噉又系！ 韦小宝：攞去顶住先呀！怕咗你呀！ （递咗条蕉畀建宁） 建宁（抌咗条蕉） ：死人头！ 韦小宝：全部企好！挺直啲！精神啲！ 龙儿：韦大人，好威风?！ 韦小宝：失礼！有我喺度呀，边个够胆喐皇帝一条毛呀？！ 独臂神尼（从天而降，直冲康熙） ：狗皇帝！ 龙儿：护驾！ 韦小宝：皇上小心！护驾！ 康熙：护驾！ 韦小宝：护驾！ 康熙：护驾！ 独臂神尼：寒冰掌！ 独臂神尼：狗皇帝！ 韦小宝：吞泡呀？！重唔护驾？做乜鬼？ 龙儿：护驾！ （ung2 韦小宝出去） （独臂神尼把剑顶住韦小宝胸膛） 龙儿：寒冰掌！ （韦小宝脱险） 众人：捉住佢！ 康熙：小宝你冇事吖嘛？ 韦小宝：好彩我有件天蚕宝衣喺底。皇上，你龙体无恙吖嘛？ 康熙：小宝，今次你护驾有功，朕就封你为……护驾！ （惊慌而逃） 韦小宝：保护皇上！保护皇上！保护皇上！ （啲人迫晒喺建宁嘅坐驾里面） 某兵：阿勇呀！ 某兵：保护皇上！保护皇上！ 康熙：你叫咩名？ 某兵：我叫温兆伦呀！ 康熙：返去诛你九族！ 某兵：谢皇上！啊？ *建宁：一系唔上嚟，一系就咁多人上嚟！ 韦小宝（某人只脚顶住韦小宝块面） ：小喇叭！边个鞋都唔着呀？喂！后便唔好顶顶贡哩！喂！上便啲友唔 好揸住我条嘢好吗？！ 阿珂：咪住！大家都系身不由己架咋。 韦小宝：边个咁窜呀？！ （抬头望） 阿珂：你个狗贼？！ 韦小宝：我系呀！你好吗？ 独臂神尼：喺噉嘅情形之下，我哋好难分高下。不如我哋用十成功力将啲人迫出去啦。 龙儿：好！ 阿珂（揸住把刀） ：攞你狗命！ （千钧一发之际，独臂神尼同龙儿运功将啲人迫晒出去，韦小宝逃过一劫。 ） 龙儿：皇上，你哋走先啦！ 韦小宝：拍硬档送埋我走！唔该！ 龙儿：一阵先啦！ （龙儿同独臂神尼大战，韦小宝左右闪避。 ） 韦小宝：重要等几耐呀，大佬？ 韦小宝（安全着陆） ：唔使送咁大力吓哗？！ （独臂神尼生擒吴应熊） 阿珂（捉住韦小宝） ：狗贼！睇你走去边！ 韦小宝：我冇所谓，你去边我去边。 独臂神尼：捉佢两个走！走！ 康熙：你重唔去追？ 龙儿：皇上唔使担心！卑职马上去救驸马！ 建宁：救埋韦爵爷呀！ 龙儿：神龙教众接令！即刻追截一个老尼姑同平西王世子！ （四人行于树林之中） 阿珂：做咩呀你？ *韦小宝：你把剑晾响前便，我个头必然系缩向后架嘛！ 阿珂：你个无赖！信唔信我一剑杀咗你吖嗱？ （独臂神尼吐血，吴应熊想借机松人，畀独臂神尼打低） 阿珂：师父，你点呀？ 独臂神尼：估唔到康熙身边有咁内力深厚嘅高手。莫非清狗气数未尽？！ 韦小宝：使我帮手叫大夫唔使呀？ 阿珂：想走？师父，韦小宝呢个奸贼，诡计多端。不如我杀咗佢先。 韦小宝：我想帮你哋啫。 独臂神尼：唔杀得！佢系康熙跟前嘅红人，而家已经系我哋嘅护身符。要杀就杀佢啦！ （指住吴应熊） 吴应熊：唔好呀！唔好呀！阿珂小姐，嗰日喺丽春院系我救你架。你唔记得嘞咩？ 独臂神尼：阿珂，乜你见过佢咩？ 阿珂：嗰日我同师妹去查探，几乎畀韦小宝呢个奸贼呃到。好彩得呢位公子相救咋。 独臂神尼：点解你从来冇同我讲过嘅？ 韦小宝： 不过你漏咗样嘢冇讲?！ 呢位公子就系平西王吴三桂嘅大仔， 打伤师太你嗰位高手就系佢嘅马仔！ 独臂神尼：啊？呢个就系卖国贼吴三桂嘅仔？！同我杀咗佢！ 吴应熊：唔好呀！唔好杀我！唔好杀我呀！ 独臂神尼：师父嘅说话你都敢唔听？ （神龙教几个教众赶到） 吴应熊：救我呀！救我呀！我喺呢度呀！ 教众：老尼姑，你好放人嘞?！ 独臂神尼：有本事就嚟攞吖！ （教众围攻独臂神尼） 一教众：老尼姑一早受咗伤！唔使怕佢！上！ （中枪） （最后一个教众见势不妙，飞身离去） 韦小宝：能够死响我一阳指手下，都算系你嘅福气！ （抌咗背后嗰支火枪） 韦小宝：晚辈正话斗胆用一阳指嚟助神尼你一臂之力。希望神尼唔好见怪！ 独臂神尼：咩一阳指呀？火枪就火枪啦。你做咩要帮我？ （独臂神尼点咗吴应熊嘅睡穴） 阿珂：公子！ 独臂神尼：你咁紧张做咩呀？我只系点咗佢嘅睡穴！你有咩即管讲啦！ 韦小宝：请恕晚辈无礼！ （除袜） 独臂神尼（见到韦小宝脚板上面“清明”二字） ：清明？左脚“反复”，右脚“清明”。莫非你系天地会嘅人？ 韦小宝：冇错！晚辈韦小宝正是天地会嘅青木堂堂主！呢个就系我嘅令牌！ （喺腰间扐出一个令牌）家师陈 近南派我卧底宫中，今日得见师太真系三生有幸！ 阿珂：师父，唔好信佢呀！佢好狡猾架！ 独臂神尼：令牌系真嘅！陈总舵主好吗？ 韦小宝：有心！师父佢食得瞓得。重成日提起你老人家。话天下武功佢只系排第二，师太你先系排第一。 重系抛离好远嗰只！哈哈哈！ 独臂神尼：陈总舵主太夸张嘞！ 韦小宝（突然跪低） ：我想师太你收埋我做徒弟！唔知晚辈有冇呢个福气呢？ 独臂神尼：韦香主，请起身啦！ 韦小宝：若然师太你唔应承，我就一路跪到死为止！ 独臂神尼：好嘞！ 韦小宝（起身） ：多谢师父！ （同阿珂讲）师姐，我知你不留对我都存在有多少误解。不过我相信你好快脆 就会明白。 独臂神尼：韦香主，我暂时收你为挂名弟子。等到陈舵主同意之后，我先正式教你武功！ 韦小宝：多谢师姐！啊，唔系，多谢师父！ 独臂神尼：此地不宜久留！我哋都系快啲离开呢度。前面重有位师姐喺客栈等紧我哋架。 韦小宝：好！ 韦小宝：师父呀，请问独臂刀王系咪你老窦？ 独臂神尼：唔系。 韦小宝：咦，有间客栈?。 独臂神尼：真系有间客栈?。 （客栈个名就系：有间客栈） （多隆喺店内扮女人，啲男人见亲佢都呕一餐） 手下：多大人，点解成日“目及”住条麻甩佬呀？ 多隆：嗰个女人嚟嘅。 手下：大人点知呀？ 多隆：系男人行过见到我都呕啦。系佢一个唔呕嘅！一定系女扮男装！ 手下：大人聪明绝世，下属对大人嘅景仰，有如滔滔江水…… 多隆：吆你老祖！ （韦小宝一干人行入客栈） 阿南：师父！呢便呀！ 独臂神尼（坐低） ：唔该！ 韦小宝：师姐，有事揾我呀？ 阿珂：躝开！阿南，师父受咗伤。快啲同师父入房疗伤。 独臂神尼：阿珂，你喺下便揾间房睇住佢！小宝，你周围巡吓！睇吓有冇人跟踪我哋！ 韦小宝：不过师父， （指住吴应熊）呢条友仔呢…… 独臂神尼：我点咗佢聋哑穴，佢听唔到我哋讲嘢架！你放心喇！ （走开） 韦小宝：哦。 韦小宝：师姐，我想同你表白一下咋！其实我本身嘅为人呢绝对唔…… 阿珂：躝开。 （韦小宝冇好气噉走开） （韦小宝撞到多隆） 多隆：韦大人！ （韦小宝呕） 多隆：哗！韦大人，你真系男人中嘅男人，呕都呕得咁精彩嘅吓！ *韦小宝：多隆，你揾啲噉嘅嘢搞架你！ 多隆：我哋嚟得快哩？！知道方圆十里净系得呢间客栈！所以伏喺度嚟救你呀！ 韦小宝：使鬼你救呀？我一早已经昆掂个老师姑呀！之所以跟到嚟呢度！系想得到佢…… 多隆：大人果然口味独特，老师姑都有兴趣。卑职佩服！佩服！ 韦小宝：佩你个头！我系想得到佢嘅徒弟珂姑娘。有冇带我啲行装嚟呀？ 手下（钻个头出嚟） ：梗系有啦！连大人嘅沟女战衣都带埋嚟呀！ 韦小宝：咦！呢条僆仔几醒目?！有前途！ （接过战衣） 多隆（狂殴手下） ：仆你个街呀！我只鞋你都争住擦？！ 多隆：啊！实在太靓仔喇！大人，你嘅英俊不凡有如滔滔江水连绵不绝噉涌埋嚟。小人对大人嘅钦敬…… 韦小宝：唔好成日对住我嘅阴茎好唔好呀？ *多隆：对唔住！大人，我预备咗啲好嘢帮得你手！ （三樽摆喺台面） 多隆：淫不风流枉少年！淫贱嫲嫲咸外父！淫那琵琶小喇叭！大人，呢三只当今世上…… 韦小宝（扫晒啲落地） ：都算最苴嘞！睇我啲呀，细佬！ （扲出一樽嘢） 多隆：哗！乜家伙？ 韦小宝：除咗天下第一淫药“奇淫合欢散”之外，“我爱一碌葛”实在可以称霸淫贱界。呢剂嘢莫讲话唔掂得！ 闻吓都唔掂呀！ 多隆：咁犀利？！ 韦小宝：试吓你就知！ （多隆揾手下较飞） 多隆：犀利成点呀？ 韦小宝：顾名思义，呢剂嘢毒发嘅时候，中毒者就会对住啲条状或者碌状嘅物体嚟发姣！不停噉追住嚟索 吻！无论你点样反抗，甚至乎奚落佢，或者毒打佢，佢都一样勇往直前，唔会放弃嘅！ 多隆：哗！噉有乜解救呀？ 韦小宝：好简单！只要用解药一喷，乜事都无！ 多隆：咦，大人，睇嚟今晚珂姑娘都几难逃出你嘅手指罅。 （韦小宝狂笑） （吴应熊用只脚喺地下写咗“解穴”两字） （阿珂大胆解咗吴应熊嘅穴） 吴应熊：阿珂小姐，不如你放我走先吖！ 阿珂：唔得架！噉……师父会责怪我架！ 吴应熊：系噉不如我哋一齐走吖！ 阿珂：乜你咁放肆架！ 吴应熊：我只系讲出我由衷之言啫。其实喺丽春院嗰日，我一见到你，已经对你一见倾心！无奈重未有机 会向你表达啫。 阿珂：噉你又做驸马爷？！ 吴应熊：唉，呢啲只不过系我父王嘅计谋。他日满清，我父王登基大宝。我就系太子！我嘅夫人就系 太子妃！话唔定，好快会变成皇后添！ 阿珂：噉关我咩事?？ 吴应熊：唔通噉你都重唔明白我嘅心？我心里便除咗你，再冇第二个！ （阿珂嗒晒糖噉款）只有你，先至有 资格做我皇后！ （韦小宝推门入嚟） 韦小宝：师姐，点呀？呢个狗贼冇咩古怪吖嘛？ 阿珂：有我喺度呀，佢有咩古怪出呀？ 韦小宝：有道理！ （见到地下有两个字）咦？！点解有两个字写咗响地下度架？啊？哗！重写得咁肉酸！ （指 住吴应熊）系咪你写嘅？讲！系咪？哦！你死喇！ 阿珂：佢…… 韦小宝：师姐，静静鸡话我听，呢两个咩字？我唔系好识字。 阿珂：系“咪喐”两个字啰。我写畀佢睇嘅。 韦小宝：哦。 （偷偷地糁啲“我爱一碌葛”喺张凳上面）师姐，你企咗咁耐都应该攰哩。等我担张凳你坐吓先 啦。 独臂神尼（坐咗张凳） ：唔该。 韦小宝：师父你…… 独臂神尼：做咩呀？ 韦小宝：冇乜嘢吖嘛？ 独臂神尼：我冇嘢，我已经运功将啲内伤迫咗出嚟！ 韦小宝：唔系，即系……你真系冇嘢？ 独臂神尼：唔好讲咁多，你出去先喇！我哋几师徒有啲嘢要讲！ 韦小宝：哦！ （转身走） 独臂神尼：咪行住！ 韦小宝：师父，你想点呀？ 独臂神尼：你真系查清楚冇敌人跟踪我哋？ 韦小宝：应该冇。 独臂神尼：噉你出去啦！ 韦小宝：好。 （独臂神尼中招） 多隆：咩事呀？ 韦小宝：神尼中咗“我爱一碌葛”呀！ （众人四处逃窜） 多隆（畀独臂神尼紧追不舍） ：我明明扮咗女人架！做咩追我呀？ 韦小宝：你衰在成碌葛噉吖嘛，唔追你追边个得架？ 阿南：师父！ 吴应熊：趁佢哋乱晒龙，我哋快啲走！ （阿南揦起把剑摆喺吴应熊胸前） 阿南：师姐，你噉样走师父会怪你架。 （阿珂点阿南穴，阿南晕低。 ） 吴应熊：你跟我走啦！我一定唔会辜负你！嚟吖！ （龙儿协同四护法杀到嚟） 一护法：恭迎教主法驾！ 龙儿：老尼姑，快啲交世子同韦小宝出嚟！ 一护法：你唔交出嚟，我哋入嚟架喇！ 韦小宝：啊？又边瓣人马呀？ 多隆：话之佢边瓣呀！出去顶住先！ 龙儿：四护法，退下！ （两三下搞掂咗班友） 一护法：我哋捉韦小宝个奸贼先。 韦小宝：又系我？（见到多隆嘅眼神诡异）你只眼神咁无良嘅！你想点呀？ 多隆：喂！韦大人，我唔系噉睇我吖嘛？我义气干云，对你嘅景仰有如滔滔江水连绵不绝。 （多隆押住韦小宝出门） 多隆：又有如黄河泛滥，一发不可收拾。 韦小宝：死仔，重讲？！你卖友求荣，冇义气！ *多隆：唔系哩，韦大人，一个死好过两个死呀！最低限有我同你拜山吖嘛。 （同龙儿讲）老友，冤有头债 有主。你要嘅人我同你带咗出嚟呀。 韦小宝（惊诧） ：啊？你做乜扮女人呀？乸型！ 一护法：大胆！见到神龙教主重唔下跪？！ 韦小宝：做咗教主都唔使扮女人啫！ 龙儿：韦小宝，我讲过一定会返嚟揾你嘅！你唔认得我喇？神龙教圣女龙儿！ 韦小宝：吓？！系你？你整容嚟呀？ 龙儿：呢个至系我嘅庐山真面目！ 韦小宝（行近龙儿身边） ：哦，你家阵时好样好多！喂喂喂！系咪好样过以前呀？ 多隆：系呀！系呀！ 韦小宝：既然大家识得嘅，二口六面讲清楚冇事啦。多隆，我哋走嘞！ 多隆：喂！先生，你两个识咋?！我唔识你架?！教主！走先！ 韦小宝：哗！你玩到咁尽你？！ 多隆：冇乜特别呀！ （松人） 韦小宝：喂！ 龙儿（搭住韦小宝膊头） ：老尼姑同世子呢？ 韦小宝：啱嘞！冤有头债有主，佢响上便咋！上去揾佢吖！ 独臂神尼：好大碌呀！ （飞出客栈） （龙儿畀独臂神尼咬伤只脚） （龙儿带小宝走） （龙儿喺小溪边冲洗伤口） 龙儿：唔好嘈！再嘈就割咗你条脷出嚟！ 韦小宝：我靠条脷揾食架?，你即系赶绝我啫！ 龙儿：你再行多一步，我就斩咗你对脚！ 韦小宝：神尼你又要斩，我你又话要斩。你究竟帮边便架？ 龙儿：我同你系私人恩怨，你喺宫中坏我大事，重想置我于死地！ 韦小宝：喂！嗰次系皇帝话要放箭射你！唔系我?！冤有头债有主，系咪噉讲呀？关我乜嘢事得架？！ 龙儿：你过嚟！ 韦小宝：嚟紧！当我讲错啰。你究竟想点呀？ 龙儿：扶我起身！ 龙儿：你做咩呀？ 韦小宝：扶你吖嘛。 （龙儿伸出只手） （龙儿企唔稳） 韦小宝（嗍龙儿身上啲气味） ：好香架?！ （龙儿推开韦小宝） 韦小宝：话你香都唔钟意呀？唔通话你臭好咩！ 龙儿：如果你扶我返神龙教，或者我可以放你一条生路！ 韦小宝：多谢！多谢！噉行啦！ 韦小宝：估我唔知呀，其实你系帮平西王吴三桂做嘢嘅哩！ 龙儿：平西王爷对我哋恩重如山！ 韦小宝：喂喂喂！你点知佢对你恩重如山呀？ 龙儿：关你咩事呀？我师父讲嘅！ 韦小宝：喂！你师父老点你唔得架！ 龙儿：咩叫老点呀？ 韦小宝：即系呃你。 龙儿：你会唔会老点你老窦吖？ 韦小宝：会！睇吓有冇着数吖。 龙儿：如果有着数呢？ 韦小宝：点到佢慌呀？ 龙儿：贱格！ （ung2 韦小宝落水） 韦小宝：死八婆！迟早滚你上床，滚大埋你个肚！ 龙儿：讲咩呀？行快啲！ 路人甲：你睇，呢只老虎咁瘦嘅？ 路人乙：唔系老虎！系骡仔嚟架！ 韦小宝：汪汪汪！ 路人甲：哗！原来系哮天犬嚟架，走呀！走呀！走呀！ （神龙教） 一教众（把刀架住韦小宝喉咙） ：走去边呀？返埋去！ 一教众：启禀教主！平西王世子同平西王特使冯锡范老先生等候多时。 龙儿：有请！ 吴应熊：教主，喺客栈多谢相救，小王先能够脱离老尼姑嘅魔掌。 龙儿：世子噉讲法，系咪讽刺本座唔够老尼姑打呢？ 吴应熊：教主太言重嘞。父王近日起兵在即，有感神龙教近年来帮助本藩招兵买马，训练人才，大大有功！ 先叫冯老师陪同小王，赐御酒畀教主，并封教主为护国圣女！ 龙儿：谢平西王爷！ 吴应熊：赐酒！ 冯锡范：老夫上次有要事在身，未能陪世子上京。劳烦教主辛苦！先敬一杯。 龙儿：好！ （一饮而尽） 韦小宝：有古怪！ 冯锡范：哈哈哈！好酒量！素闻神龙教神龙素女功，一代传一代，百毒不侵，功力精纯。唔知有冇噉嘅事？ 龙儿：区区素女功，何足挂齿呢？ 冯锡范：我都想知道，神龙素女功可唔可以抵挡天下第一奇毒，冇色冇味嘅“奇淫合欢散”！ 龙儿：冯锡范！系咩意思呀？ 冯锡范：哈哈哈！神龙教恃功自大，横行无道！王爷一早睇你唔顺眼！下令要将你哋全教铲除！一网打尽！ 龙儿：人嚟！捉住佢哋！ （四护法枪头对内） 龙儿：你以为噉样就可以对付我嘞咩？ （冯锡范奸笑） （龙儿感不适） 吴应熊：你返嚟之前，我哋已经攻陷神龙教，而家所有嘅教众都效忠我哋。冥顽不灵嘅已经全部处死。 冯锡范：龙儿，我走遍天下先至揾到呢只可以破你神功嘅 “奇淫合欢散”放喺酒里便。而家你系咪全身发热 呀？天光之前，一定要揾到个男子交合。如果唔系就会全身喷血而死！老夫或者可以帮你一个忙嘅！ 四护法：教主，我嚟救你！ （龙儿喺四护法掩护之下遁去） 吴应熊：哎，师父，你武功已经咁高嘞！嗰八成功力不如益我啦！ 冯锡范：世子，你—— 吴应熊：哎，噉系吖嘛。 韦小宝（拖住只马） ：乖乖哋，帮帮忙！行啦！ （龙儿抓住韦小宝） 龙儿：神龙血遁！ （龙儿使出神龙血遁，得以脱身） （龙儿行行吓路行唔喐，摊咗落地下） 韦小宝（回头） ：唉，见你个人冇乜点啫，好请消夜添呀！嗱，扶埋你嘞，你冇嘢吖嘛？！ *龙儿：我用咗最后一道真气使出“神龙血遁”，而家毒气攻心。 韦小宝（踎低身） ：帮你捽吓心口嘞！ 龙儿：你唔好豆我！行开！ *韦小宝：算数！ （起身）大枝嘢啦你，话咗有着数，老窦都有权点你架啦！家阵系得我一个冇点你咋，你 重好心着雷劈！ 龙儿：你唔好走呀！ 韦小宝：做咩呀？ 龙儿（心谂） ：呢个人虽然讨厌，估唔到讲嘅都系真说话。我神龙教对平西王忠心耿耿，到头来都系遭灭教 之祸。 （趴喺地下）唔通我真系咁命苦，要死喺呢度？（将韦小宝睇成贾宝玉）贾宝玉？！ （整理衣装）你 过嚟吖。 韦小宝：咩呀？又叫我走，又叫我过嚟，你想点呀？话实嘞！ 龙儿：快啲过嚟吖。 韦小宝：唔通想揾我解毒？！唔系噉嚟益我吓哗？！蜘蛛精呀！ （吓到飞起） （龙儿将韦小宝卷入自己所结嘅茧入面） 龙儿：韦小宝，呢啲或者系天意。如果他日你有负我嘅，我一定唔会放过你！ （第二日） 韦小宝：你醒咗喇？ 龙儿：我都冇瞓过。小宝，而家我已经系你嘅人，以后你想点我都会照做架。 韦小宝：噉唔该你递返条裤畀我先。 （龙儿照做） 韦小宝：真听话。 （破茧而出）哗！天光嘞?！ 龙儿：小宝，你过嚟吖。 韦小宝：咩啫？ 龙儿（依偎喺韦小宝身上） ：以前个个都话我知，吴三桂系个英雄，系个好人。我而家至知道，英雄未必系 真嘅。 韦小宝：我都系而家至知道，原来你系靓得咁交关嘅！好肚饿，揾啲嘢食先！ （跳上樖树，又落返嚟）发生 咩事呀？ 龙儿：你已经有咗我嘅八成嘅功力，身怀绝世武功嘞。 韦小宝：我身怀绝世武功？！ 龙儿（岌头） ：本门武功，一定要处子之身修练。一失童贞，功力嘅八成就会同时输入男方体内。而家我得 返两成功力咋。 韦小宝（面露喜色） ：咁犀利？！我想舂你两槌试吓力，你介唔介意？ 龙儿：啊？ 韦小宝：讲笑啫，我点舍得呀？ 龙儿：而家你同我好咗之后，你就系神龙教嘅圣王！有责任为教众报仇雪恨！ 韦小宝：揾边个报仇呀？ 龙儿：吴三桂同冯锡范。 韦小宝：呢两个唔使你讲我都会揾佢哋。 （栖凤楼） 多隆（喊咁口面） ：韦大人呀！韦大人呀！ 建宁：喊咩先得架？！重唔快啲讲？唔讲我杀咗你！ 多隆：公主，我得返韦大人呢个黄纸兄弟！我哋兄弟之情有如滔滔江水连绵不绝。就喺嗰晚…… 建宁：嗰晚点呀？ 多隆：我一个人打百几人都保佢唔住。个妖女一手揦住佢，左手拉住佢右脚，右手拉住佢左脚，重拧甩埋 个头呀！ *建宁：佢咪即系死咗？！ 多隆：系！系！ 建宁（唱） ：吓得我腾腾震呀！ 建宁：震到我入心呀！ 多隆：公主，点解突然间咁好雅兴架呢？ 建宁：唉！你唔明，只有我同韦大人先至明。 多隆：公主，我明唔明唔紧要，只要系韦大人嘅手尾，我都好乐意啃嘅。 建宁：唔使你啃，自然会有人啃。你出去罢啦。 多隆；系！公主！ （多隆出建宁间房） （几个大臣等候紧佢） 众大臣：参见多大人！ 多隆：免礼！ 众大臣：谢大人！ 某大臣：多大人，卑职等今晚喺官邸设宴。希望公主同大人赏面光临。 多隆：韦大人惨遭不幸！我哋都冇心机食啦。折现啦！ 某大臣：卑职遵命！ 多隆：韦大人精忠报国杀身成仁，我哋一定要同佢风光大葬，你预备啲金缕衣呀，金盆洗手呀，金…… 某大臣：系！卑职即刻揾一流师傅制造。 多隆：都系唔使麻烦嘞，折现啦。重有，韦大人生前就最钟意美女嘅。万一佢报梦嚟揾我，我都唔知揾咩 陪佢。所以揾定十个八个美女陪我瞓喇！ 某大臣：多大人真系想得周到。韦大人泉下有知一定会好感动。 多隆：应该嘅，不过我为人咁正经，有成十几个美女陪我瞓觉，好难为我啫！ （众大臣厥倒） 多隆：做咩呀你哋？ 众大臣：冇事！冇事！ 多隆；不知何年何月得偿所望，得得得偿所望……得得得偿所望…… 韦小宝：你对得我住呀，多隆！ 多隆：得……得偿所望…… （韦小宝奋力冚咗多隆一巴） 多隆：啊？！韦大人，真系天开眼嘞！你冇死到呀？哎呀！我得偿所望！ 韦小宝：识着你噉嘅朋友，我点舍得死呀？ 多隆：系呀！系呀！系呀！韦大人！ 韦小宝（拍膊头） ：你都算够义气呀！ *多隆：韦大人，想当日我押咗你出去之后，我返嚟晚晚都瞓唔着，晚晚都垂泪到天明！净系记得两个字， 而我就刻咗喺手臂度！警惕自己！ 韦小宝：咁隆重？！边两个字呀？ 多隆：你自己睇啦！ （伸直手臂） （韦小宝撩开多隆嘅衣袖，多隆嘅手臂度写住：布仇。 ） 韦小宝：布仇？！ 多隆：冇错。卑职读得书少，唔知有冇写错字。 韦小宝：应该就冇。 多隆：呢两个字就系我日思夜想为大人做嘅。就系报仇呀！ 韦小宝：哗！啲血重吧吧声噉流，唔会系正话先雕上去架啫吓哗？ *多隆：哦，唔系，雕就雕咗好耐呀！ （揦起把刀仔）不过每一次兴奋呢佢就流架嘞！而家见到大人呀，当 然系兴奋啦。噉佢就流啰。 韦小宝：你揦住把刀，又咩因由呀？ *多隆：点会有把刀架？！边个？边个摆喺我手度？（抌咗把刀仔） 韦小宝：我明！多隆你果然系我嘅好兄弟，不枉我当日同你烧黄纸呀。 多隆：大人明就好啦。 韦小宝：唔争在话多个秘密你知！ 多隆：我好守得秘密架！ 韦小宝：其实我系皇上派入天地会嘅反卧底。目的系接近陈近南。根据情报所得，原来天地会嘅人遍布全 国，就连云南呢度都有佢嘅分舵！ 多隆（半信半疑） ：真嘅？ 韦小宝：所以我想多隆你今次代替我出去走一趟！ 多隆：啊？！我？！ 韦小宝：你而家嗱嗱声行出街市，然之后呢就大嗌暗号！自然会有人带你入去天地会嘅分舵！ 多隆：咩暗号呀？ 韦小宝：反清复明！ （多隆仆倒） 多隆：咁大逆不道嘅嘢都讲得呀？ 韦小宝：哎！同反贼联络，梗要用反贼嘅暗号架嘛！我重要喺你背脊度雕多个特别暗号添呀！ 多隆（弹起身） ：重有？ 韦小宝：有！嗱，你阵间入到天地会，将会见到一个化装成为朝廷大官噉嘅人，嗰个就系陈近南嘞！你畀 个特别暗号佢睇，佢就会交样嘢畀你。 多隆：咩嚟架？ 韦小宝：系……秘密！ 多隆：哦！ 建宁（开门） ：你哋咪嘈住我唱歌先得架！ 韦小宝（翕手） ：公主！ （建宁厥倒） （多隆十吓十吓噉行出街市） 多隆（细声同路人讲，路人即刻走夹唔唞） ：反清复明！ 多隆（细声同路人讲，路人即刻走夹唔唞） ：反清复明！ 多隆（细声同路人讲，路人即刻走夹唔唞） ：反清复明！ 多隆（纳闷） ：噉嘅？！ 多隆（畀人 ung2 落地，见到“天地會分舵”嘅木牌） ：天地会分舵？！唔系咁明目张胆吖嘛？ （多隆企返起身，又畀人 ung2 落地，见到只马骝拎住“天地會分舵”嘅木牌） 多隆：马骝都知？！ （平西王府） *吴三桂：韦小宝居然到咗昆明！呢个人蛊惑多端，唔可以轻视！ 吴应熊：父王！韦小宝三番四次羞辱孩儿，如果唔将佢凌迟处死，难消我心头之恨！ 吴三桂：你都懵嘅！佢而家系钦差大臣，杀咗佢就等于系造反！何况我哋嘅兵马粮草要一个月先至齐。点 可以为咗个小小嘅私人恩怨，就误咗大事！ （走开） 冯锡范：冇错嘞，世子！他日兵临城下，我哋将韦小宝斩成肉酱，都只系举手之劳，何必急在一时呢？ 吴三桂：你而家假假哋都系驸马，得闲去见吓公主！氹吓佢！而我哋呢就假意筹备婚礼，等康熙呢个小鬼 完全唔提防我哋有反意。明白未？ 吴应熊：孩儿明白！ 吴三桂：冯老师，广东有密使嚟，同我倾出兵嘅事。我唔想有咁多耳目，你同我撤走后院大部分嘅侍卫！ 冯锡范：领命！ （平西王府门口挂住“天地會分舵”嘅牌子。 ） *多隆（见到牌子） ：咁出位？！打正招牌都得呀？（行入去）门都冇闩嘅？！唔怪之天地会唔够我哋朝廷 斗啦。反清复明！反清复明呀！反清复明！ 吴三桂（睇紧书） ：边个喺度发噏疯呀？（走出去睇个究竟） 多隆：反清复明！ 吴三桂：边个咁大胆呀？（撞到多隆，吓咗一跳）你系边个？ 多隆（上下打量） ：化装得几似?！成个朝廷命官噉。派你做卧底呀？暗号？ 吴三桂：咩？咩暗号呀？ 多隆：反清复明吖！ 吴三桂：大胆！人嚟！ 多隆：喂！喂喂！我自己友嚟架，我有暗号写咗喺身架。 （除衫） 吴三桂（读多隆背上啲字） ：反清复明？誓杀吴三桂？ 多隆（拧转身） ：而家你知我咩料吖。 吴三桂：我知你老母！ （舂咗多隆一拳） 多隆：冚家铲！有暗号都打？！ （舂返吴三桂一拳） 吴三桂：冚家铲！你还拖？！人嚟！有刺客！ 多隆：哈！我你都敢打？！ 吴三桂：有刺客！人嚟呀！ 吴三桂啲手下：捉住佢！ 多隆：死未？（打退咗几个手下，摆甫士） 多隆：平时唔多打你当我流架吓哗？即管放马过嚟！ 吴三桂：同我打！ （多隆惨遭群殴） 多隆：攞命咩？ 吴三桂：等你反清复明吖嗱？！同我打！打到佢老母都唔认得！ 多隆：反清复明！ 一手下（回报） ：禀告王爷，建宁公主由钦差韦大人陪同，突然驾到。 多隆：咩？反清复明！反清复明！…… 吴三桂（入屋） ：不知公主驾到，有失远迎！平身！ 韦小宝：公主都就嚟叫王爷做老爷咯，正所谓……（见到王爷黑晒左眼）王爷，你只眼？ 吴三桂：哦，我啱啱唔小心撞到啫。人嚟，同我传世子！ 多隆（冲入嚟） ：救命呀！救命呀！救命呀，韦大人！救命呀，韦大人！ 韦小宝：贵姓呀你？ 多隆：我系多隆呀！我系多隆，韦大人！ 韦小宝：乱讲！多隆边有你咁靓仔！ 吴三桂：同我拉呢个反贼去石室！ 手下：系！ 多隆：唔好呀！ 韦小宝：梗要啦，呢啲！ *多隆：韦大人！喂！你唔记得我同你去叫鸡咩？ 韦小宝：你真系多隆？ 多隆：系呀，大人！ 吴三桂：呢个人冲入我平西王府！重大声叫咩“反清复明”咁大逆不道嘅口号，就系反贼！ 韦小宝：唔系?，佢真系多隆?！大人，因何事殴打朝廷命官呀？ 多隆：系呀！ 吴三桂：佢系朝廷命官？ 韦小宝：系！ 多隆：梗系朝廷命官啦！ 吴三桂：就算系朝廷命官呀，口出叛逆之言都系杀头嘅大罪呀！ 韦小宝：但系佢自己都系满人，冇理由反清咪即系反返自己？ 多隆：系呀！系呀！ 韦小宝：多隆，你系咪畀人冤戾你呀？ 多隆：系呀，系呀，大人！我畀人冤戾呀！大人！ 吴三桂：重话我冤戾你？！你睇吓佢背脊纹咗咩字。 韦小宝：睇过。 （韦小宝除咗多隆件衫，将啲白色粉末抹喺多隆背脊上面，抹走咗啲字。 ） 韦小宝：冇咩嘢吖，花咗一笪咋?！ 吴三桂：哦，系你抹咗！啱啱系纹咗“反清复明誓杀吴三桂”嘅。 多隆：哦？！ 韦小宝：王爷，你噉即系想冤戾埋我啫！ 建宁：小宝，你点可以对王爷咁冇礼架！ 韦小宝：系！ 建宁：不如等我讲句公道话好吗？ 吴三桂：愿听公主高见！ 建宁：噉就梗系王爷你……唔啱啦！ （吴三桂打咗个突）多隆系钦差大臣，负责带呢把尚方宝剑，沿途保护 哀家。如果佢用呢把*“上斩昏君，下斩谗臣”嘅尚方宝剑嚟对付王爷你！噉就连哀家都冇法子架嘞！ 多隆：系?！ （抽出尚方宝剑）边个冚家铲正话打我？系你！ 吴三桂：喂喂喂！你唔好乱嚟呀！ 多隆：系你打成我噉嘅！ 多隆，冤有头债有主，边个打你，你斩嗰个好喇！ 吴三桂：你唔好乱嚟呀吓！ 多隆：我攞你命！ 吴应熊（揦住免死金牌出现） ：免死金牌在此！尚方宝剑都唔斩得！阿爹，你唔记得有免死金牌咩？ 韦小宝、建宁：吓？！免死金牌？！ 多隆：免死金牌？！ 吴三桂：哗！系?！争啲唔记得先帝御赐嘅免死金牌?！ （将免死金牌摆喺胸前）斩呀！斩呀！斩呀！斩呀！ 多隆（连连后退） ：真系唔斩得？ 韦小宝：有金牌喺手真系唔斩得！不过冇喺手嗰啲就…… 多隆（恍然大悟） ：哦！ 吴应熊（抢过免死金牌） ：父王，借嚟使吓先！ （撇） 吴三桂：喂喂喂！阿仔！哗！ （撇） 吴三桂（同吴应熊争免死金牌） ：畀我啦！你走得快，你走先啦！ 吴应熊：唔系哩，你系平西王，佢唔敢斩你架！ 吴三桂：唔系哩，你畀我先啦！ 吴应熊：唔得呀！畀我吖！ 吴三桂：喂喂喂！畀我吖！ 多隆：唔好玩呀！你想我斩边个呀？ 吴应熊：畀我呀！ 多隆（转身，见到门口几个人头先都有份打自己） ：哦，你哋冇金牌！正话打得好过瘾哩！死呀！死呀！ （几 个人过去争抢免死金牌） 吴应熊：畀我！ 吴三桂：畀我！ 吴应熊：畀返我！畀返我！ 吴应熊：喺度！喺度！ （吴应熊抢过免死金牌，塞入自己件衫里面） 吴三桂：阿仔，畀返我！畀返我！喂喂喂！阿仔！喺边度？ 吴应熊：个金牌呢？个金牌呢？ 韦小宝：喺里便！ （手指吴应熊嘅下体） （众人齐齐攻击吴应熊下体） （建宁执起免死金牌） 建宁：喂！个金牌喺呢度呀！ 众手下：对唔住！对唔住！对唔住！ 吴应熊（惨叫） ：哎呀！ 吴三桂：阿仔，你点呀？ 建宁（畀返个金牌吴三桂，走去吴应熊身边） ：驸马，你点呀？人嚟！ 手下：有！ 建宁：快啲扶驸马休息！ 手下：喳！ 建宁（眼仔睩睩） ：我去睇吓驸马点先。 （吴应熊间房） 建宁：呢度冇事嘞，返出去呀！ 手下：喳！ （走晒） （吴应熊呻吟不止） 建宁：驸马，你见点呀？ 吴应熊：好痛呀！ 建宁：好痛呀？噉点算呀？不如我帮你睇吓。 吴应熊：唔系几好嘅！ 建宁：傻啦，我哋都就快系夫妻咯！嚟呀！我帮你睇吓。 （一只手揵开吴应熊嘅裤，另一只手揸住把刀仔。 ） （另一边厢） 吴三桂：你唔好乱嚟呀！嗱，我有免死金牌喺处架！啊！你唔好乱嚟呀！ *多隆： 韦小宝（充当架梁） ：哎！哎！哎！多统领，人谁无过呢？唔打都打咗咯，不如就赔返多少汤药费算数啦！ 吴三桂：好！好！好！ *韦小宝：横掂打得唔系好伤！就赔返五十万两哩？ 多隆：唔伤？！ 吴三桂：咩？咩？咩？咩话？ 韦小宝：噉当我冇讲过啦！继续！ 吴三桂：喂喂喂！畀！畀！畀！畀啰！畀啰！ （屋外突有爆炸声，几个人走出去睇情况。 ） 韦小宝（揦起金刀） ：金刀玉玺？！ 吴三桂：唔系，唔系，我……我唔知架！ 韦小宝（读皇袍上面啲字） ： 吴公三桂天命所归， 反清夺位即日登基。 金刀为记， 玉玺为凭？！ 王爷， 你？！ *吴三桂：唔关我事架，分明系有人嫁祸畀我架咋！我绝对冇谋反之意架！ （传出吴应熊嘅惨叫声）对唔住 呀！ （三日冲入吴应熊间房，见到吴应熊喺张床度揞住自己嘅私处，痛到反艇噉嘅样，建宁就匿埋喺角落头。 ） 建宁：我好惊呀！ 吴三桂：阿仔！ 韦小宝：公主！ 吴三桂：阿仔，你见点呀？阿仔！阿仔，你见点呀？阿仔！ 韦小宝（问建宁） ：点解会噉架？ 建宁：佢，佢想污辱我，我咪顺手攞起把刀，割咗佢啰。我好惊呀！ 韦小宝：世子你实在太唔识谂嘞！公主迟早都系你嘅人嚟啦！你何必急在一时呢？而家搞成噉你叫我点交 代得架？ 建宁：我好惊呀！ 吴三桂：你哋！ 韦小宝（耳语） ：做得好！ 建宁：跟你学吓嘢啫。好惊呀！ 吴三桂：人嚟！ 手下：老爷！ 吴三桂：公主受惊，送公主返栖凤楼休息。 手下：喳！ 建宁（抌咗把刀） ：好惊呀！ 吴三桂：韦大人，出咗啲噉嘅事，系三桂家门不幸。恕三桂招呼不周！ 韦小宝：今日发生咗咁多唔应该发生嘅事。如果我系你，我都唔知点算好呀！公主，走！ 建宁：好惊呀！好惊呀！我好惊呀！我好惊呀！ 手下：老爷，少爷未醒。 吴三桂：召冯老师返嚟！ 手下：系！ 吴三桂：下令三军戒备！ 手下：喳！ 冯锡范：参见王爷！ 吴三桂：应熊点呀？ 冯锡范：世子性命无碍，但系要害受创甚深。恐怕以后生儿育女都成问题。 *吴三桂：岂有此理！康熙呢个小子，居然派佢个妹同韦小宝嚟绝我吴家后代？！好！我要报仇！你即刻招 集人马，挥军北上！ 冯锡范：王爷息怒！我方粮草未齐，兵员未足！如果贸贸然出兵，恐怕胜算不高。最好暂时忍让，半年之 后…… 吴三桂：我叫你出兵就出兵！而家你系王爷抑或我系王爷呀？ 冯锡范：卑职不敢！ 吴三桂：你带齐人马同我去围攻栖凤楼！将建宁呢个贱人同埋韦小宝碎尸万段！ （栖凤楼） 韦小宝（吟唱《帝女花》 ） ：落花满天蔽月光，借一杯附荐凤台上。 建宁：真系诗意嘞！ 韦小宝（斟酒） ：公主，请酒！ 建宁：无事献殷勤，非奸即盗，有咩事呀？ 韦小宝：公主你实在疑心太大嘞！我只不过系想介绍位姊妹过你认识啫。龙儿！ （龙儿行落楼梯） 建宁（以为佢系男人） ：哎呀！ （抌咗酒杯）乜你呢家嘢架？你以后唔好掂我！ 韦小宝：你误会咗嘞！佢系女人嚟架！嗱，你哋以后大家做埋姊妹，就开开心心啦！ 建宁：你就想呀！想创你个心呀！佢咩新丝萝卜皮呀？想同我争老公，一人一半？好难呀！ 韦小宝：当然唔可能一人一半啦，你只系占四分之一咋。双儿！ （双儿行落楼梯） 建宁：哦，我都估到你哋有路架啦！ 韦小宝：大丈夫三妻四妾系好平常嘅。而家我数埋得三妻一妾，经已极度冇面架嘞！ 建宁：想烂你嘅肺呀！嗰两只乌啄啄想同我平起平坐？！唔得！ 韦小宝：绝对冇可能平起平坐吖！佢哋三个系妻就你系妾！佢哋坐时就你要企！我哋瞓时就你负责冚被！ 建宁：被吖嗱！ （舂咗韦小宝一槌） 韦小宝：讲过唔好打面架嘞嘛。 建宁：面吖嗱！ 龙儿：做妾侍喐手打老爷，太唔成体统嘞！大双妹，小双妹，你哋去教训吓佢！ 建宁：咪住！你哋够胆以下犯上？！ （躽胸凸肚）好呀！打呀！呢个就系韦家嘅骨肉！打呀！够胆就打我喇 嘛！ （双儿无从入手） 韦小宝：望咩啫？韦家骨肉梗系唔打得啦。唔好打佢个肚呀！舂佢心口好喇！ 建宁：救命呀！救命呀！ 多隆（拦住双儿） ：咩事呀公主？唔使惊！有我忠肝义胆嘅多隆喺度！ 建宁：佢哋虾我！ 龙儿：多隆，我呢一掌叫神龙分尸掌，中咗就会四分五裂而死！你钟意嘅就即管企喺度啦！我数三声！ 建宁：唔使理佢！ （多隆运气） 龙儿：一！ （多隆吓到跳上二楼） 韦小宝：哗！几时变得咁好轻功架？ 龙儿（问建宁） ：噉你做唔做妾侍呀？ 建宁：做妻得唔得呀？ 龙儿：好！以后你就叫我做大家姐，佢哋系二家姐，三家姐。我同你起个名叫做带子！希望你同相公生返 个仔呀！ 建宁：带子咁肉酸！ 韦小宝：鲍鱼喇，啱唔啱呀？ 建宁：鲍鱼？都好啲！ 陈近南（从天而降） ：乜咁早食饭？ 韦小宝：师父！ 双儿：叩见总舵主！ 韦小宝（跪拜） ：师父，你嚟咗呀？等我嚟介绍！呢个系神龙教嘅龙儿，而家弃暗投明跟咗我。大小双儿你 识架喇吓。 （建宁弹过嚟）呢只鲍鱼！我哋坐低至讲！嚟呀！ 陈近南：我查到冯锡范已经采取行动，呢个人非常之狡猾。而且武功不在我之下，我怕你应付唔嚟！ 韦小宝：边个冯锡范？我连佢条毛都未见过！但我经照你吩咐，将吴三桂平西王府上下搞到鸡犬不宁！相 信佢好快脆忍唔住就会作反！ 陈近南：的确好快，佢今晚就会嚟到栖凤楼。而且话要将你生擒捉返去，剥皮处死！ 韦小宝：哈！佢只不过系危言耸听！弟子唔怕！多隆，同我准备一匹最快嘅马，我有事走先。 陈近南：我睇佢哋即刻就会起兵作反。尤其是建宁公主，佢哋一定会捉你作为人质。 建宁：噉点呀？ 陈近南：小宝，畀公主先撤退，离开昆明。 龙儿：总舵主，请你调配我哋吖。 （韦小宝送行） 建宁：小宝，你小心啲。你唔顾个大，都顾个细。 韦小宝：放心啦，大细都顾！你行先。 （建宁入轿） 陈近南：小宝，你都系即刻同龙儿走先。呢度等我押后得嘞。 韦小宝：师父！ 陈近南：小宝，你好聪明！喺而家呢个噉嘅乱世嘅时候，只要你唔贪图荣华富贵，一定可以满清，恢 复我哋大汉嘅江山！ 韦小宝：系就至好啦。不过弟子有啲嘢硬系唔明。 陈近南：你讲吖。 韦小宝：自从康熙登位之后，四海升平。尤其是鳌拜死咗之后，更加系国泰民安！人人食得好，着得好！ 点解系都要佢呢？ 陈近南：因为呢个系我毕生嘅志愿。 韦小宝：啊！系?。不过，为咗你毕生嘅志愿，就要打仗，要人民受苦，会唔会有啲…… 陈近南（发嬲） ：而家唔系争论嘅时候！ 冯锡范（大笑） ：哈哈哈！陈近南！你食古不化，就连你徒弟都唔信你！ 陈近南：冯锡范！退后！ （冯锡范六弟子从天而降） 陈近南：师兄，咁耐冇见！估唔到你做咗人哋嘅走狗！ 冯锡范：做有钱人嘅狗，好过做挨饿嘅穷人。咁简单，你都唔明？ 龙儿：你无耻！ 冯锡范：六合！ （龙儿败阵） 冯锡范：你功力差咗咁多！龙儿，究竟畀咗边个？ 韦小宝：僆仔，你睇住我喺度都够胆打佢？ 韦小宝：唔系呀哗？呼啦圈都谂住攞嚟杀人？ 韦小宝：哗！重有？！喂！好咯?！重嚟？哎！唔玩嘞！ （将啲呼啦圈送返出去，冯锡范六弟子皆倒） 韦小宝（女人声） ：哗！真系咁犀利？喂！喂！喂！噉嘅？ 陈近南：你全身都系真气，但系散乱不堪。你根本控制唔到。 冯锡范：原来佢啲功力畀咗你！ 韦小宝：系呀，吹呀？ 陈近南：小宝，龙儿受咗伤，你带佢走先。 韦小宝：师父，你一个人掂唔掂呀？ 陈近南：你都掂，我唔掂？ 韦小宝：呀，噉呀系，走先！ 陈近南：剑阵！ 冯锡范：六合挪移！ （厮杀） 冯锡范：师弟，当年你喺师父面前讲我坏话，等我被逐出师门。今日就系你嘅报应！ 陈近南：当日师父叫我清理门户，我后悔一念之仁冇一剑将你杀死。 冯锡范：系噉，只好怪你自己蠢啦。 （陈近南亲自出马） （陈近南同冯锡范厮杀，不幸畀冯锡范劈咗只手臂落嚟。 ） 冯锡范：师弟，估唔到你今日败喺我嘅手上！ 陈近南：你要杀就杀，无谓多讲。 冯锡范：我点舍得杀你呀？我嘅功名富贵，全部喺你身上！ （树林） 韦小宝：小心呀！龙儿，你顶住呀！ （起沙） 龙儿：你点呀？ 韦小宝：冇！ （眼泪盈框） 龙儿：小宝，我只系受咗轻伤啫！你使乜咁伤心啫？！ 韦小宝：系，感情丰富不留都系我嘅缺点嚟！ 龙儿：傻啦，呢啲点会系缺点啫？！你重有好多长处架！ 韦小宝：傻啦，我长处只得一度架咋！ （独臂神尼捉住阿珂、吴应熊失惊无神噉出现） 韦小宝：唔该，下次出现可唔可以单声先呀？ 独臂神尼：唔系弗咗一声嘞咩？！你听唔到呀？（见到龙儿）韦香主，佢…… 韦小宝：龙儿而家系我内人。 独臂神尼：你有本事连佢都收服埋？！ 韦小宝：好难讲架！好多嘢你哋师姑唔明架噃！ 独臂神尼：高人行事，高深莫测！ 韦小宝：咦喂！你点会捉到佢两个架？ 独臂神尼： 吴三桂个老贼挂住调兵遣将， 疏于防范。 叛徒阿珂匿埋喺平西王府入便！ 所以我将佢哋捉返嚟！ 重有一本《四十二章经》 。 韦小宝、龙儿： 《四十二章经》？！ 韦小宝：收埋先！ （接过《四十二章经》 ）呢本经对我哋反清大业非常重要。多谢神尼！ 独臂神尼：韦香主，噉佢哋呢？点样处置佢两个呀？ 韦小宝：呢对狗男女，人人得而诛之！ （神尼正欲喐手）不过噉，如果佢肯带罪立功嘅话，我就即管畀个机 会你……（指住阿珂，吴应熊埋去企喺阿珂前便） 吴应熊：多谢韦大人！ 韦小宝：……死先！ （手指吴应熊）你呀！冧佢！ 吴应熊：大人，饶命呀！ （匿喺阿珂身后） 阿珂：我哋决定一齐死！ 吴应熊：喂！你自己决定！我冇话系呀！韦大人，你放过我条狗命啦！我愿意为你做牛做马！ 阿珂：你使乜咁惊佢哋啫？！你话过同生共死永不分离架嘛！ 吴应熊：喂！我讲吓架咋?。你唔系咁认真吓哗？！ 阿珂（饱含泪珠） ：你同我讲啲噉嘅说话？ 吴应熊：我而家已经系太监，你要我嚟做乜嘢啫！你唔好连累我添呀！ （阿珂哭泣） 韦小宝：咳呀！你喊乜鬼嘢啫？好心你啦！ （搭住阿珂膊头） 阿珂：躝开！狗贼！ 韦小宝：哗！你做人嘅嘢你噉样讲嘢？我做到噉样你都唔咩我，佢噉样样，你反而咩佢？！喂！你系咪噉 呀你呀？ 龙儿：小宝呀，到底你讲乜嘢呀？ 韦小宝：冇嘢。一于跟我返去，日头服侍夫人，夜晚服侍我！ 独臂神尼：好彩韦香主收容你咋！如果唔系，我就杀咗你清理门户！重唔快啲多谢韦香主？！ 吴应熊：系咯，重唔多谢韦香主？！多谢韦香主不杀之恩！多谢韦香主执埋我手尾！ 阿珂（伸吴应熊一脚） ：无耻！ 韦小宝（扇吴应熊） ：贱格！ 吴应熊：打得好呀！ 韦小宝：你都系！ （不忍落手）打在你身，痛在我心！ （走去龙儿嗰便） （阿珂破涕为笑） 龙儿：又畀你呃咗个女仔嘞！ 韦小宝：揾食啫。喂！畀吓面啦！夫人大量，小人感激。 （御书房） 韦小宝：微臣韦小宝叩见皇上！ 康熙：平身！小宝，你快啲过嚟！ 韦小宝：谢皇上！ （入御书房） 韦小宝：微臣好挂念皇上。皇上最近身子好吗？！ 康熙：好！有心！系咪有事要禀报？ 韦小宝：系！平西王吴三桂密谋造反，大胆犯上。我谂皇上要立刻下旨降罪，趁佢羽翼未成之前，撂低佢！ 康熙：哼呣，朕经已喺早两日派兵征伐咗佢！ 韦小宝：皇上英明，未卜先知，小宝拜服！ 康熙：你一定好奇怪，点解朕会未卜先知。 韦小宝：系呀，系呀。 康熙：等朕介绍另外一位新同僚畀你认识。你哋以后可以忠诚合作，一齐辅助朕！ 韦小宝（两头望） ：边位呀？ （冯锡范喺条柱后面走出嚟） *韦小宝（手指冯锡范） ：你个冚家祥你呀！ 康熙：小宝，不得无礼！ 冯锡范（笑） ：皇上，韦爵爷豪情万丈，系性情中人，用啲市井粗言好平常啫。 （韦小宝行上前）韦爵爷， 既然已经一殿为官，以前有咩得罪，请你多多包涵！ （作揖） 韦小宝（细细声） ：你将我师父点呀？ 冯锡范：你睇到我二品顶戴，重唔明？ 韦小宝：你将佢交畀皇上？！ 康熙：冯锡范经已将吴三桂嘅兵马粮草图交咗畀朕，而且生擒天地会反贼头子陈近南！功劳甚大！你哋以 后两个要多多亲近。 韦小宝：系呀！系呀！要嘅！要嘅！ 冯锡范：系嘅！系嘅！ （韦小宝强颜欢笑） *康熙：小宝，以前假太后诬谄你系天地会反贼。朕个心一直都好唔舒服。为咗洗脱你嘅嫌疑，朕决定派你 喺午门监斩陈近南！ （韦小宝打咗个突）噉天下人就唔会认为你同陈近南有咩关系。你嘅意思点呀？ 韦小宝：小宝深感圣恩，谢皇上！ （韦小宝寝宫） （大小双儿、韦春花、阿珂） 大双儿：相公喺宫里面返出嚟就心事重重，发晒癫噉。唔知咩事呢呵？ 小双儿：你唔知我梗系唔知啦！ （问阿珂）喂！相公咁惜你！你知唔知呀？ 阿珂：佢都冇同我讲，我点知啫？ 韦春花：由细到大都系我帮我细佬冲凉，佢身上有几多条毛我都知呀！所以佢有咩事都飞唔过我双眼嘅。 大小双儿、阿珂：咩事呀？ 韦春花：哈哈哈！我唔知！ 大小双儿、阿珂：…… 韦小宝：本来我韦小宝做咩都如有神助嘅，但系今次就冇晒信心！ 龙儿：以前有皇帝照住，梗系如有神助啦！而家皇帝唔信你，改为照住冯锡范！你又点会有信心呢？ 韦小宝（揦起台面啲《四十二章经》 ） ： 《四十二章经》？！呢几本嘢揭到烂晒都揾唔到有咩秘密！ （出门， 将几本《四十二章经》抌落炭盆中）同我烧咗佢！ 龙儿：相公，点解你要噉做呀？ *韦小宝：发烂苴啰！ （画外音） ：公主驾到！ （建宁赶嚟报料） 韦小宝（行礼） ：参见公主！ 其他人（行礼） ：参见公主！ 建宁：平身！呢度冇你哋嘅事嘞！返去吖！ 宫女：遵命！ （悉数告退） 建宁（行礼） ：大家姐！二家姐！三家姐！四家姐！大姑奶！鲍鱼参见！ 大双儿：乖嘞！ 建宁（行礼） ：相公有礼！ 韦小宝：有咩紧要事冇呀，鲍鱼？ 建宁：梗系有啦！兄皇下咗旨，叫八旗军统领监视住你，一有咩咿喐即刻包围呢度。相公，你小心呀！ 韦小宝：一定又系个冯锡范！ 建宁：烧咩烧咁耐呀？（几本《四十二章经》重未烧完） 阿珂：好似有几个字?！ （龙儿打翻炭盆，喺地下现出几个字） 韦小宝：东……，你读。 （指韦春花） 韦春花：东方不败？！ 韦小宝：吓？！嚟咗？！ 龙儿：系东郊皇陵呀！ 大双、小双（同声同气） ：呢几个字嘅质料好似唔怕火烧架?。 韦小宝：唔通秘密就喺东郊皇陵？！ 龙儿：我谂到一个计划！ 冯锡范（跪地） ：微臣冯锡范叩见皇上！未知皇上咁夜宣召微臣入宫，有何差遣？ “康熙”（干咳几声） ：朕今日有啲咳嗽，但系朕听日又想去东郊狩猎！未知冯将军有意思同行吗？ 冯锡范：微臣自当随行，保护皇上！ “康熙”：好！人嚟！赠冯将军黄马褂，尚方宝剑！ （双儿扮太监呈上黄马褂同尚方宝剑） 冯锡范：谢皇上！ “康熙”：宝剑赠烈士！冯将军你要记住，尚方宝剑唔可以轻易出鞘！一出鞘就要见血！ 冯锡范：微臣知道。 “康熙”：好啦，噉我哋听日喺东郊见面！ 冯锡范：微臣告退。 （冯锡范告退，扮康熙嘅建宁拧转身骑骑噉笑。 ） （大牢之中） 韦小宝（同师父磕头） ：徒弟冇用，累你受苦！ 陈近南：唔关你事，系我太轻敌啫。 韦小宝：师父，请放心！喺你赴刑场之前，我一定亲手杀冯锡范为你报仇！ 陈近南：你嘅武功唔系冯锡范嘅对手！ 韦小宝：我而家已经有龙儿嘅八成功力。况且…… 陈近南：你根本控制唔到龙儿嘅阴柔内功，而且冯锡范重有六合童子同佢配合，简直系天下无敌！ 韦小宝：但系我都要搏一搏！ 陈近南：小宝，有志气！噉你埋一埋嚟。 （陈近南点咗韦小宝嘅穴位） 韦小宝：师父，你做咩呀？ （第二日 东郊皇陵） （冯锡范带住大队人马赶到，但系就唔见皇上。 ） 冯锡范：皇上约我喺东郊狩猎，点解人影都冇个？ 韦小宝：冯锡范，皇帝点你架咋！ 冯锡范：韦小宝，有种就出嚟！大丈夫唔好藏头露尾！ 韦小宝：一早嚟咗啦！ （韦小宝一身奇异打扮，揽住建宁。 ） 冯锡范：哈哈哈！韦小宝！你得埋啲女人功力，而家连自己都变到不男不女！ 韦小宝：系咯，噉你钟唔钟意啫？我家阵绣紧条底裤过你着添噃！ （冯锡范同六合童子摆开架势） 韦小宝：哎呀！你睇佢几刻薄啲细路仔，衫都唔多件褛吓。过嚟，过嚟，哥哥畀衫你哋着。 （韦小宝出击） 冯锡范：六合！ 韦小宝：金蛇缠丝手！ （六合童子畀韦小宝每人褛一条底裤。每条底裤上面各绣一字。连埋就系：六合童子食屎。 ） 冯锡范：六合童子食屎！ 建宁：好啱身呀！ 冯锡范：老夫寻日之前重忌你三分，不过今日老夫有尚方宝剑，恐怕你后悔都嚟唔切。 （拔出尚方宝剑，原 来系流嘢） （韦小宝笑到前仰后合） 冯锡范：老夫要去揾皇上，唔得闲陪你玩！ （转身欲走） 建宁（模仿康熙把声） ：皇上咪喺度啰。 冯锡范：皇上？！ 建宁（模仿康熙把声） ：朕听日想去东郊狩猎，唔知冯卿家有冇兴趣相伴呢？ 冯锡范：寻晚喺御书房嗰个系你？！ 建宁：咪系我啰！ 韦小宝：哈哈哈！ 冯锡范：韦小宝，我哋河水不犯井水。你苦苦相迫，咪怪我辣手！ 韦小宝（起返身） ：你呢个食碗面反碗底嘅狗贼！你害我师父，我今日就要收拾你！ 冯锡范：六合神功！ （韦小宝同建宁飞身闪避） 韦小宝：调转咗。 建宁：对唔住！ 韦小宝：我玩吓呼拉圈先。你企埋一二便唞唞。 （kik7 住只脚，然之后仆倒） 冯锡范：六合神掌！ （韦小宝轻松化解） 建宁：好嘢！好嘢！ 冯锡范：韦小宝，点解你武功进步咁多架？ 韦小宝：你惊嘞咩你？！ （回忆） 陈近南：小宝，我将所有希望都放喺你身上。你已经尽得我嘅真传。由而家开始，你就系天地会嘅总舵主！ 韦小宝：你都唔嘢少架嘛。冇返咁上下揸拿，点攞你命？ 冯锡范：哈哈哈！韦小宝，你用尽心思，用到公主嚟陷害老夫，恐怕都系枉费心机。移魂！ （冯锡范喺 六合童子各人嘅颈部刺入钢针一枚，将六合童子当成自己嘅扯线公仔。 ） （韦小宝以一敌七） 韦小宝（出绝招） ：揸波龙爪手！揸！揸！……我搣！ （搣唔甩个乳头，再试）我搣！ （再试）我搣！ （再试） 我搣！乜你冇反应嘅？ 六合童子：好舒服呀！整多次吖！ 韦小宝：吓？！ （弹开）贱格！化骨绵掌！ （六合童子全部瞓低）搞掂！收工！ 冯锡范：六合！ 龙儿（喺一二便飞出嚟） ：小宝，出针线！ （将针刺入六合童子颈部） 龙儿：小宝，寒冰掌！ 韦小宝：听到！ （用寒冰掌拮段咗冯锡范手揸啲线，令到佢控制唔到六合童子） 韦小宝：以其人之道还治其人之身！ （韦小宝令啲六合童子走去撕咬冯锡范。冯锡范痛不欲生，挥刀杀晒六 合童子） （韦小宝同冯锡范比剑） （冯锡范大刀劈落，韦小宝横刀挡驾。二人跌落大竉之中。 ） 建宁：喂！小宝！小宝，你点呀？ （原来嗰度就系宝藏收藏之处） 冯锡范：估唔到得来全不费工夫！当年满清入关所收藏嘅黄金，都已经变成金沙。重发放假消息话宝藏埋 喺关外，原来根本就喺京城。 建宁：呢度系地下皇陵呀！ 龙儿：皇陵？！东郊皇陵《四十二章经》入便嘅秘密就喺呢度。 建宁：呢块龙璧系高人设计，系代表我哋大清嘅风水璧。 韦小宝：打乜鬼嘢吖？！不如我哋分咗佢咪算啰。 冯锡范：我哋打生打死都系为呢啲啫。 韦小宝：而家我哋求祈揦一揸都够食过世。重打，睬佢都傻呀！ 冯锡范：啱！你讲得啱！ 韦小宝：好唔好呀？ 冯锡范：好！ （继续打） 韦小宝、冯锡范：哗！早知你系噉架嘞！ （冯锡范踩到机关） 建宁：佢好似踩到啲嘢呀！ 龙儿：系机关。 （千万把弯刀喺两侧飞出） 龙儿：走！ 建宁：你流血啫。 韦小宝：唔紧要，佢重大镬。 （冯锡范将钢针刺入自己嘅头皮）啊？！发烂苴都唔使自怼吓哗？ 龙儿：佢系用刺激六合童子嘅方法刺激自己。封晒奇经八脉，将全身嘅潜能迫晒出嚟。 韦小宝：得嘅咩？ （冯锡范嚟料喇） 龙儿：呢一招非同小可，你要用全身嘅力接佢呢掌！ （韦小宝七情上面） （韦小宝同冯锡范较力，韦小宝被冯锡范弹开九丈远兼且呕血） 建宁：小宝！ （建宁同龙儿都呕埋血） 建宁：小宝，你点呀？ 韦小宝：龙儿，快啲攞啲针出嚟插我个头。我要学佢噉样将自己嘅潜能迫晒出嚟。 龙儿：我唔识得佢呢种方法呀！我知道有另一种方法一样可以将你嘅潜能迫出嚟。 韦小宝：咩方法？ 龙儿：痛！ 韦小宝：痛？ 龙儿：我用银针插遍你全身最痛嘅穴道。你千祈唔好叫出嚟。你忍住一啖气，到最后先至好爆发出嚟呀！ 韦小宝：噉…… 建宁：你咬住我只屐先啦。 韦小宝：唔该。 （咬住只屐） 龙儿：胳肋底穴！ （韦小宝痛到反艇，松口，咬住建宁只脚） 龙儿：背脊穴！指公穴！ （建宁痛到忍受唔到落去，顺手揦起一拃银针插韦小宝） 韦小宝：好痛呀！ （冯锡范埋嚟同韦小宝对撼，今次调转咗，冯锡范弹开九丈远。 ） （冯锡范身体刺入龙璧。一命呜呼。 ） 龙儿：估唔到迫出嚟嘅潜力系咁厉害！ 建宁：小宝，你打赢咗嘞！好嘢！ （韦小宝口吐白沫） 龙儿：呢啲金银珠宝真系害人不浅，都唔知几多人为佢而死。 韦小宝：哼！以免畀佢再为害人间，我决定将啲金沙全部攞晒返屋企收埋。 龙儿：小宝，快啲将龙璧打碎吖。龙璧一碎，大清就会灭亡架嘞。 韦小宝（若有所思） ：点解系都要反清啫？而家康熙做皇帝人人有钱揾，人人有书读。冇乜唔好吖？ 建宁：呣。 韦小宝：话之佢边个做皇帝，只要系好皇帝咪得啰。系咪噉讲呀，龙儿？ 龙儿：或者你都讲得啱嘅。 （建宁面露喜色） 韦小宝：好！噉而家嗱嗱声带冯锡范条尸返刑场，如果唔系赶唔切！ （陈近南畀人用冯锡范顶包） 多隆：行开！ （刑场） 某官员：斩！ （冯锡范人头落地） （郊外） （韦小宝等紧人） 韦小宝：点解咁耐嘅？ 建宁：嚟咗嘞。 韦小宝（走上前） ：师父，见到你冇事我就放心嘞！ 陈近南：我一直都知道，冇收错你呢个徒弟。 龙儿：相公，时候唔早嘞！我哋快啲走啦！如果皇帝发现嗰个总舵主系假嘅，噉就麻烦嘞。 画外音：皇上驾到！ （皇上带住大队人马赶嚟） （双儿欲拔刀） 韦小宝：收返埋把刀，唔好轻举妄动！等我同佢讲！ 韦小宝：韦小宝叩见皇上！ 康熙：大胆韦小宝，你公然杀我大臣！掳劫钦犯，你该当何罪？ 韦小宝：多隆？！ 多隆：韦大人，你估啱嘞，又系我出卖你呀！ 韦小宝：你真系一啲都冇变到。 多隆：系呀！系呀！ 韦小宝（走上皇上跟前） ：皇上，实不相瞒，小宝今日已经身负盖世神功。就凭你呢度嘅人恐怕都阻唔到小 宝做任何事。 康熙：任何事？！ 韦小宝：系！包括攞你个人头在内！ （康熙打后褪） 韦小宝：但系我谂极都谂唔到有咩理由杀一个天下人都爱戴嘅好皇帝！就请皇上你宽宏大量，放过韦小宝 全家，畀条生路我哋行吓啦！好吗？ 康熙：平身！ 韦小宝：谢皇上！ （康熙揸韦小宝私处） 韦小宝：皇上重玩呢家嘢？ 康熙：韦小宝武功盖世，朕一早已经收到风。朕今次想证实一下！经过朕一揸之下果然坚挺无比！叛国贼 韦小宝经已畀朕亲手揸死！尸首弃尸荒野！党羽逃去无踪！世上唔会再有韦小宝呢个人！你好好哋噉对建 宁公主。 韦小宝：谢主龙揸！ 康熙：唔好畀其他人虾佢！ 韦小宝：系！ 康熙：朕同你永远都系好朋友！ 韦小宝：同意！ 康熙：珍重！ 韦小宝：再见！ 康熙（上马，收兵） ：再见！ 韦小宝：哈哈哈！噉都畀我抛窒佢?！各位老婆，我哋撇！ （剧终）